.. النهارده كان نفسى بشدّه أدخّن ..
.. وبما أن هذه الرغبه صعبة التنفيذ ..
.. خاصة و قد كانت فكرتى عن التدخين هى الذهاب للصحراء مثلا لتدخين سيجاره فى صمت و العوده بسلام ..
.. قرّرت تنفيذها من خلال الصوره ..
skip to main |
skip to sidebar
وهنا أيضا ..
- BLACKCAIROROSE
- Blue Rose
- Deep Dark inside
- UnbraInwasher
- آخر الحاره
- أن تكون .. هنا
- ارحم دماغك !
- اقتصادى مصرى
- الأغلبيه الصامته
- الحرافيش
- العداله للجميع
- القهوه العاليه
- المؤرّخ
- بنت القمر
- تقاطعات
- حكاوى آخر الليل
- حكايات فريده
- خمسه فضفضه
- دانتى المصرى
- ذو النون المصرى
- ربيع
- روبابيكيا
- سينما - qwert anime
- سينما - الشندويلى
- سينما - باحب السيما
- سينما - حياة فى السينما
- سينما - شبّاك
- سينما - كيس فيشار
- سينما و أشياء أخرى
- شريف
- طق حنك
- طياره ورق
- عصفور المدينه
- غوايه
- فارس قديم
- فجرٌ قديمٌ مستعاد
- فرجه
- فلسفة حياه
- فنون جميله
- قبل الطوفان
- كتاباتى
- كراكيب نهى
- كروان
- كوبرى امبابه
- لست أدرى
- ما بدا له
- مدونة كتب
- مراقب مصرى
- مش فاهمه
- من نور الخيال
- هدوء نسبى
- يوميات عيل مصرى
أبنائى الأعزّاء
25 comments:
أتاري فى دخان خارج من تحت باب البلوج
:)
أعتبر نفسي محظوظ لأن عمري ماكان بيني وبين التدخين عمار رغم إن أخوايا والأقارب كانوا دخننجية فيما مضى. الكام نفس اللي أخدتهم فى حياتي معدودين وكانوا دايماً يسببوا لي إحساس بغمة نفس
إطفي بأه إطفي.. الدخان بدأ يسرح على بقية البلوجات
:)
أوعى ..
بالتجربة .. لو تعلقت بها .. سيصبح من الصعب التخلص منها
بقية مايقال عن التدخين تعرفيه ربما أكثر مما أعرف
سؤال أخير
لماذا هذه هى صورة البروفيل ؟ لابد أن لها معنى أو قصد معين
اعترف بانى لم اكتشفه
التدخين ضار جدا بالصحه
:)
جميلة جدا فكرة الذهاب للصحراء للتدخين
كنت أفعلها على شواطئ البحر
في المرة القادمة وبحكمى مدخنا سأجرب فكرتك
زمزم العزيزة
===========
شفت اول امبارح علبه السجاير وعليها صورة شخص في سرير زي الانعاش وراكب له نفس صناعي
كنايه عن الموت
مش عارفه ليه مت علي روحي من الضحك
ناقص بس يعملوا رساله مسجله للناس ان التدخين ضار بالصحه عشان يتعظوا
اما البوست ده فاعتقد ان وراءه شخصيه طيبه وبنت حلال ملهاش في الكلام ده بعدين ايه الحكايه؟؟
البوست اللي فات كوبايه شاي وفيلم ورغبه في شراء كرسي
وانهارده سيجاررة
لالالالا
خايفه المرة الجايه المزاج يعلي و تتهوري وتفكري وتحطي مونيكير!!:))
دامت الاحلام البسيطه لحد ما ربنا يفكها
خليها في الصورة وخلاص .. إنما تدخين في الحقيقة .. ربنا يكفيكي ويكفيني شر "السوجارة"! :)
==========
عدّى النهار
==========
يعنى برغم كل الاحتياطات الأمنيه و ذهابى للصحرا عشان أدخّن بردو الدخّان طالع من تحت الباب !! طيب أدخّن فين بس على القمر !! :)
طبعا أنت محظوظ إن مفيش بينك و بين التدخين عمار خاصة مع صعوبة التغلّب على إدمان التدخين .. بس الفكره إن بعض الأمور تجمّعت فى لحظه ما و جعلتنى أشعر بحاجه للتدخين :)
مثل الذهاب لكوفى شوب معظم الجالسين به يدخنون الشيشه و شكلهم سرحانين فى ملكوت ربنا و اللىّ مش بيدخّنوا شيشه ماسكين علبة السجاير .. بالإضافه لقراءتى عن "نجيب محفوظ" و تعامله مع السجائر بطريقه خاصّه جدّا .. ده غير إن الوحد أحيان بيبقى عاوز ينفخ من الأعماق بسبب الضيق أو الخنقه .. فكل الحاجات دى أمّا تتجمّع مع بعض يبقى فيه حاجه للتدخين ولو من خلال صوره :(
====
شريف
====
ماهو لو كان الموضوع قابل للتنفيذ عمليا ماكنتش اضطرّيت أكتب عنه تدوينه :(
أظن أن مشكلة كثير من المدخنين أنّهم يربطون بين التدخين و بين حاله شعوريه معيّنه زى اللىّ أنا فيها كده فبيبقى صعب التخلّص من هذه الرفقه
بخصوص صورة البروفايل :) أبدأ أنا بس لم أجد صوره تعبّر عن اسم المدوّنه اللىّ مفروض أن الهدف منها هو التواصل .. و بعدين افتكرت الصوره دى .. كنّا فى كورس تصوير و ذهبنا ل "جزيرة الدهب" على سبيل حصّه عمليه يعنى .. بس للأسف قبل أن نصل لمكان هذا الرجل فى الجزيره فوجئت بنفاد البطّاريات و قضيت الوقت فى الفرجه و خلاص .. المهم مع وصولنا لموقعه عرض علىّ أحد الزملاء بطّاريات سلف .. و برغم عدم قدرتى على التواصل مع الناس بسرعه و مع غرابة فكرة أن تذهب لأحدهم و تقول له "ممكن آخد لك صوره؟" لقيتنى باروح أسأل الراجل إذا كان ممكن أصوّره ..
هو كان قاعد بهدوء و سكون جنب بيت حجر و فيما يبدو هو معروف لأن المدرّب جابنا عنده بشكل مقصود يعنى بس محدّش من الناس طلب يصوّره غيرى !! فأوّل ما سألته لقيته ضحك ضحكه جميله كده و كانت ابتسامته اللىّ فى الصوره دى هى صدى هذه الضحكه الجميله .. يعنى ممكن تقول حادث تواصل لطيف .. بس كده
=====
mohra
=====
آه فعلا :) و حاسب من بنات "مصر" يا "محفوظ" :))
============
Che_wildwing
============
أمانه عليك لو كتبت عن هذه التجربه "التدخين فى الصحرا" ابقى ادّينى خبر ..
أنا فعلا عندى أزمه حاليا إنّى عاوزه أروح الصحرا :) أقصد يعنى مكان متّسع و فاضى مفيهوش ناس .. البحر حتى مع خلوّه لكن فيه صخب مش وقته بالنسبه لى .. شئ مزعج جدّا إنّنا عشان نكون فى الصحرا محتاجين نسافر مسافات طويله قبل الوصول لمكان يطلق عليه وصف "خلاء" الذى استخدمه "نجيب محفوظ" كثيرا فى رواياته :(
==========
بنت القمر
==========
طيب أعمل إيه بس يا أختاه :) عاوزه أنفخ بشدّه من غير ما احسّ إنّى باعمل حاجه غلط دينيا !! طبعا حد هيسألنى يعنى النفخ حرام و التدخين مش حرام يا ناصحه !! وده سؤال يستتبع مزيد من النفخ ومن ثمّ مزيد من الحاجه للتدخين :)
حلو أوى موضوع "البوست ده فاعتقد ان وراءه شخصيه طيبه وبنت حلال ملهاش في الكلام ده"
ليه بقى حلو :) عشان أنا من ساعة ما كتبت البوست باسأل نفسى : يا ترى صحّ الواحد يمتنع عن فعل شئ فقط لمجرّد إنّه عارف إنّه سيسبب صدمه للمحيطين به !! يعنى يستجيب لضغوط المجتمع بصرف النظر عن قناعته بفداحة ما يفعله من عدمها !!
قصدى يعنى أنا شخصيا أظن أن التدخين حرام لأنّه فيه أذى للنفس و للغير و إهدار للمال فى غير فائده .. لكن فى الحقيقه ليس هذا هو سبب عدم إقدامى على تنفيذ فكرة تدخين سيجاره التى طرأت على بالى .. أو لنقل أنّه سبب ثانوى فى هذه اللحظه حتى لو كان سبب رئيسى فى أوقات أخرى .. فهل يا ترى مفروض -بينى و بين نفسى حتى- أعتبر ده شئ جيّد أم سيئ أنّى أفعل شئ أو لا أفعله بسبب رأى المجتمع و ليس بسبب قناعتى !!
أظن الصرعه القادمه -بعد الشاى و الفيلم و السيجاره و المونيكير- هتبقى إنّى أعمل قصّة النوكيا الجديده :)))
=======
قلم جاف
=======
أيوه كتّر خير الصور أنا انسجمت من شويّة الصور اللىّ شفتهم و انا بادوّر على صورة التدوينه دى :)
زمزم
==========
اسأليني انا علي الاحساس ده:))
الشهر ده دمرت شعري قصيت بتاع شبرين منه
نكاية في نفسي والاخرين
شوفي هو الشعور ده وارد جدا انك تشربي سجاير اوترجعي متأخر او تشيلي ايشاربك لو كنتي لابساه او تلبسيه لو قلعاه
او تبيعي العفش او تحطي ترترة علي خدك
هيهيهي
عشان تخنقي اللي حواليكي اللي هما بالاحساس اصلا خانقينك
واهتقد يا عزيزيتي انه ساعتها ربما سوف يتجاوز الله عن تلك الزله من باب انها نوع من التنفيس المشروع عن النفس
:))
بس ايه قصه النوكيا دي
اول مرة اسمع عنها
عندي حل لمشكلة الذهاب للصحرا وهو إنك يوم أجازة تخرجي الصبح بدري وتروحي مكان تملأي فيه عينيك بسعة السماء
:)
على فكرة أحياناً ضغوط المجتمع بتكون مفيدة! على خفيف يعني لأننا بنضع بسببها بعض القيود على أنفسنا.. مش إحساس حلو صحيح بس متهيألي بنحتاجه
ربنا يفك ضيقك
خلاء نجيب محفوظ هو فعلا المكان المناسب لمثل تلك الحالة
ولكن أين نجد هذا الخلاء
سنجد الشقاء رفيقا إذا كنا حقا نبغى الوصول
أو حتى قد يكون الوصول هو الشقاء بعينه
......
هل تذكرين ما كم الشقاء الذي كان في خلاء نجيب محفوظ
=========
بنت القمر
=========
طيب ليه طيب التصرّفات الطائشه دى :(
بصّى الحقيقه محدّش من اللىّ حواليا خانقنى أنا مخنوقه لوحدى .. بردو الواحد يقول اللىّ ليه و اللىّ ليه بردو :)
بخصوص قصّة "النوكيا" :) لا دى كلمه جت فى فيلم "جعلتنى مجرما" قالها "إدوارد" اللىّ كان طالع كوافير شعبى بيقترح على زبونه طلبت منّه قصّة "كابوريا" إنّه يعمل لها قصّة "النوكيا" الجديده :))
==========
عدّى النهار
==========
بس الصحرا صفرا و السما زرقا !! إيش عجب :) بس نجرّب هذه الفكره النظر للسما فى حد ذاته ممتع جدّا ..
أكيد ضغوط المجتمع مش دايما سلبيه و يمكن حتى المجتمع احيانا يضغط على غيرنا لما فيه صالحنا إحنا .. و يمكن يكون الضغط ده سبب فى إحداث توازن ما أمام قوى أخرى :) شكرا على الدعوات
============
Che_wildwing
============
يبدو إنّى مفروض أقلل من قراءة أعمال "نجيب محفوظ" شويّه لأن كثيرا جدّا من رموزها لم يعد له وجود !! أين نجد الخلاء !! أين نجد التكيّه و ناسها الغامضين !!
بس أنا مافهمتش السؤال ده
هل تذكرين ما كم الشقاء الذي كان في خلاء نجيب محفوظ
من العصمة ألا تقدر
كم من دم سفك في الخلاء
وكم من شرف انتهك
كم واحدا ذهب إليه واختفى
وكم جثة وجدت هناك
Anonymous يقول
"من العصمة ألا تقدر"
المهم بس مانكونش بنحاول نقنع نفسنا بكده و خلاص كنوع من العزاء
============
Che_wildwing
============
لكنّك لا تسمع الأناشيد الغامضه سوى فى الخلاء .. ولا تجد مساحه للتأمّل سوى فيه .. و هناك كذلك بعثت الروح بعد أن طال الظن أنّها قد رحلت إلى الأبد ..
مره شاى بنعناع فى نص الليل .. و مره سجاير .. طيب
شوفى .ز ابعدى عن البرشام و اعملى اللى انتى عايزاه ..
عموما خالات الضغط المزاجى كما أسميها أحيانا تتراوح بين السيجاره أو ايس كريم أو حتى كيس شبسى .. عن نفسى اصابتنى مره حالة ضغط مزاجى أضطلالات معها للنزول من بيتى الساعه الثالثه فجرا متوجها للرفاعى فى السيده زينب للحصول على موزه ضانى .. مجرد مزاج يشبه الوحم .. نصيحتى .. لا تستجيبى بالكامل للمزاج .. لكن ايضا لا تقاوميه بالأطلاق .. ماتحتاجينه هو ..ببساطه ما تحتاجينه
عفوا
إذا كان المكان يحمل الضدين
ووقاتل فيه المشاعر وتختلف بهذه الصورة
فهذا ليس بالمكان الذي أبحث عنه
ولا أعتقد أنك تبحثين عنه أو مثيل له
خلاء اليوم لن يحمل الأناشيد أو الروح أو أيا مما وجد في خلاء نجيب محفوظ من راحة
فقط سيحمل كل شر
صدمتني بعض التعليقات مع أن الطلب مشروع جدااا
وخلاص ماعدش عيب ... عيب سقط بالتقادم
علي فكره الموضوع طبيعي وساعات النفس بتطلب ... ربما ضغط وربما سعاده لا فارق ... هي الحاجه فقط لكسر القواعد وكسر المألوف
.. تصدقي نفسي في سيجاره
;)
تحياتي
==========
lastknight
==========
أهلا و سهلا زياره غاليه :)
ربنا يبعدنا عن البرشام و توابعه .. و أهه كويّس إن حالات الضغط بتيجى فى حاجات مقدور عليها
و يمكن استجابتى مرّه للمزاج بشرب كوبّاية الشاى مع ما يستتبعه من تأخّر على الشغل يعوّض عدم تحقيق فكرة السيجاره اليتيمه ..
خطوه عزيزه
============
Che_wildwing
============
ما ده اللىّ مضايقنى :( أن الخلاء الذى نقرأ عنه لم يعد موجودا سوى على الورق .. و تقريبا مفيش أمل فى وجوده أو الوصول إليه إن كان موجودا ..
========
Speaking
========
أهلا بيكى :)
أقول لك الحق أنا كان عندى تخوّف من رد الفعل حيال ما كتبت و قلت لنفسى : يمكن أتفهم غلط بس الحمد لله عدّت على خير و التعليقات كانت متفهّمه .. بالنسبه لى الموضوع خليط من الضغط و الرغبه فى التأمّل ..
خطوه عزيزه
Post a Comment