Saturday, December 16, 2006

كوب شاى

هناك اتفاق غير معلن بينى و بين الأوفيس بويز فى مكان العمل هنا فحواه أنّى لا أطلب منهم أى مشروبات سوى كوب شاى بدون سكّر حين أصل لمكان العمل فى الصباح ..
لهذا -وكما حدث اليوم- حين يكون كوب الشاى هذا رائع جدا لدرجة إغرائى بتكرار الطلب أقع فى مشكله عويصه
ليست المشكله العويصه فى خرق الاتفاق .. لكن المشكله او السؤال هو : لماذا لا يكون كوب الشاى التالى أبدا بنفس الروعه !! برغم "عبط" السؤال إلاّ أنّه يشغل بالى فعلا لفتره طويله .. لدرجة أنّى سألت إحدى زميلاتى التى ردّت ببساطه
- دايما أول كل حاجه حلوه
و أعطت بعض الأمثله الكوميديه لا داعى لذكرها :) !! وحين اعترضت على المنطق أعطتنى مثالا آخر ربّما لطبيعته لم استطع ان اجادل كثيرا حين قالت :
- مش دايما اى فيلم تشوفيه يكون الجزء الاول احلى من الجزء الثانى
و هذه فعلا قاعده لم اقابل اى استثناء لها حتى الآن .. حتى هذه اللحظه و انا اشرب كوب الشاى الثانى الذى جاء محبطا للغايه مقارنة بسابقه ليظل السؤال معلّقا

5 comments:

قلم جاف said...

في فيلم "العربة الطائشة" كان الفيلم بيقنعنا إن المصنع اللي فيه خط إنتاج بيطلع ييجي خمستلاف عربية في اليوم ممكن يطلع عربية مختلفة .. رغم عدم إيماني عقلياً قوي بالموضوع دة إلا إنه بيحصل ، طبعاً مش على النحو اللي شفناه في الفيلم..

دة ينسحب طبعاً على الشاي .. ودي خلاصة شريب شاي قديم..نفس الباكو ممكن تشربي منه كوبايتين شاي مختلفين عن بعض شكلاً وموضوعاً! :)

Omar Mostafa said...

الأولة.. آآه :-)

زمان الوصل said...

أهلا "تجربه" ..

للأسف لم أستطع زيارة المدوّنه الخاصه بك لعدم الإشاره إليها فى البروفيل تبعك ..
مرحبا بك و بتعليقك الموجز :-)


عزيزى قلم جاف ..

سعدت جدا بمعرفة أنّك شرّيب شاى قديم .. إنّها "بصره" إذن .. الموضوع شكله كبير .. لماذا لا يتكرّر أى شئ كما حدث للمره الأولى بتاتا البتّه !! يعنى فى نفس اليوم لا اشرب كوب شاى بنفس الروعه رغم انّه يمكن أن يكون رائع جدا فى يوم تالى !! يبدو أن السبب هو أنّى لا أظل نفس الشخص بعد الكوب الأول لنفس اليوم لهذا لا أستقبل كوب الشاى -حتى لو اعدّه نفس الشخص بنفس الطريقه- نفس استقبالى للكوب الأوّل .. وفيه تفسير "علمى" يربط الموضوع بعدد مرّات "غلى" ماء الشاى لكن الحقيقه ليس لدىّ أى رغبه فى سماع تفسيرات علميه معمليه بحته !!

Anonymous said...

oo7 casino royal is better than the previous ones, that the very near example

زمان الوصل said...

oo7 casino royal is better than the previous ones, that the very near example


Dear Ahmed,

When such a thing happens :) i mean when part two is better than part one they say

"هذا هو الاستثناء الذى يؤكّد القاعده"

طبعا ده ممكن يكون مجرّد مقاوحه و عدم رغبه فى الاعتراف بعدم صحّة قاعدة ان الجزء الأوّل دائما أفضل ممّا يليه من أجزاء :) تحياتى ..