Tuesday, April 29, 2008

فقّاعه من حجر !!






لا أنكر أنّى شعرت بالذهول أمام التغطيه المكثّفه التى نالتها قرارات "أشرف زكى" نقيب الممثلين و المتعلّقه بمشاركة فنّانين عرب فى أعمال فنيّه مصريه !!كلّما فتحت جريده أجد الموضوع محلاّ للنقاش و النقد و التعليق و التعليق المضاد .. بل و استدعى الأمر فى بعض الأحيان الحديث عن تاريخ "مصر" و دورها تجاه أشقائها العرب إلى آخر هذه الهلاوس .. كلّما انتقلت لبرنامج حوارى "توك شو" يفترض به مناقشة مشاكل الناس و اهتماماتهم و همومهم الحقيقيه أجد الموضوع على رأس الموضوعات المطروحه مع استضافة النقيب أو التحاور معه تليفونيا كأضعف الإيمان !!

و بصراحه لا ادرى ما هى الأهميّه الفذّه لهذا الموضوع سواء اتّفقنا مع هذه القرارات أو لم نتّفق !! لم أفهم لماذا أفردت له الصفحات و الساعات لنقاشات لن تثمر و لن تغنى من جوع !! وما هو الأهميّه التى يوليها المواطن العادى لكون "دوللى شاهين" ستطلّ عليه مرّه أو أكثر خلال العام فى الأفلام المصريه

وقت الإعلان عن هذه القرارات تخيّلت أن الأمر سيأخذ وقته و ينتهى .. مثله مثل أى فقّاعه تكبر إلى حين ثم تنفجر إلى لا شئ !! ولا تحتاج منّا سوى لنفخه صغيره و ربّما أقل كى تتلاشى بلا أى أثر !! لكن هذا الموضوع الذى يشابه الفقّاعه فى حجم أهميّته النسبيه صار مثل فقّاعه من الحجر !! تكبر بلا أى داعى مع ما يبدو من عدم نيّه أو عدم رغبه و ربّما عدم قدره على فرقعتها و إنهائها بسهوله ..

ملحوظه : ثلاث تدوينات فى يوم واحد أمر غريب طبعا زمانكم بتقولوا إيه العالم المحدثه دى :) بس أصلى هاطلع إجازه قصيره و قلت أخلّص كل الكلام قبل ما أطلعها

6 comments:

قلم جاف said...

هية بقت فقاعة لإن "إياهم" شافوا إن القرار "قتل أولئك وهؤلاء" و"قنل الحرية الشخصية والحرية الجماعية" و"قتل حرية المعمار" وعليه فإنهم يطالبون بإعدام المتهم بالأشغال الشاقة المؤبدة مع سبق الإصرار والترصد!

لاهو العروبة بقى تم اختزالها في مسلسل وممثلين سوريين؟ فعلاً على رأي واحد زميلنا..ومش حأقول أكتر من كدة!

زمان الوصل said...

شريف :) حلو أوى التعليق ده
نسيت تقول : قتل الأخلاق اللاّئى و اللاّتى يحميهين القانون :)))

لا اللىّ بتقول عليه ده مش العروبه ده النفق بس :)

عدى النهار said...

عنوان الموضوع عجبنى جداً.. والصورة كمان ولو أنها توحى بأن الفقاعة ستظل مكانها مستقرة مٌحتفى بها

حمدالله عالسلامة

زمان الوصل said...

==========
عدّى النهار
==========

الله يسلّمك كانت أجازه هايله .. طيب لو العنوان عجبك اتفضّل والله مش عزومة مراكبيه :) و بخصوص الصوره ربّنا يخلّى لنا "جوجل" و صوره

Che_wildwing said...

ممكن تقولى حالة زهق اعلامي
مش ممكن يعنى هيفضلوا يتكلموا عن الحضري علطول
لازم الموضوع يتغير
تحياتى

زمان الوصل said...

============
Che_wildwing
============

أهلا و سهلا و آسفه جدّا على التأخّر فى الترحيب بيك ..
وماله مفيش مشكله إنّهم يزهقوا و يحبّوا يغيّروا بس مش لدرجة يزهقّونا بقى !! تخيّل لسّه بيتكلّموا فى الموضوع لحد دلوقت !!
:(