شئ مقزّز

امبارح كنت فى منطقة وسط البلد مع شقيقتى و بنت خالتى ..

تعرّضت الأخيره للتحرّش بها فى غمضة عين ..

يؤسفنى أن أقول أن هذا شئ أصبح عادى و متوقّع ..

لكن ما يؤسفنى أكثر إنّى بسبب موقعى المتأخّر عنهما فى السير شاهدت ما حدثوماعرفتش أعمل أى شئ ..

الحقيقه أنا لم أعرف إيه اللىّ مفروض يتعمل أصلا فى موقف كهذا !!

مكان مزدحم و شخص يبدو من مظهره محترم لدرجة إنّك بتشعر بشلل يصيب عقلك لثوان بعد ما شاهدته يكون كل شئ انتهى خلالها ..

المشكله إنّى أشعر بقدر من الذنب لأنّى لم أفعل أى شئ ..

أنا حتى لم أعلّق على الموضوع مع أى حد ولم أشر إلى أنّى رأيت ما حدث لأنّى ماعملتش أى حاجه ولا رد فعل

:(

افتكرت دلوقت إنّى أمّا سافرت السنه اللى فاتت رحله مع الشغل ل "فرنسا" كان من ضمن الحاجات اللىّ علّمت جامد فى دماغى كشئ "انبهرت" بيه هناك إنّى ركبت المترو كتير جدّا و فيه أوقات كان بيبقى فيها زحمه و لم أر أو أسمع أو أتعرّض لما يشير لوجود مثل هذا السلوك المعفّن هناك .. أنا فاكره كويّس إن المرّات الأولى لركوبى المترو كنت باتحرّك بنفس الطريقه الحذره جدا اللىّ باتحرّك بيها فى مصر سواء فى المحطّه أو داخل العربات .. و بالتدريج بدأت أشعر أنّى لست فى حاجه لهذا الحذر لدرجة إنّى خفت أنسى أنّه بعد رجوعى لمصر سيرجع كل شئ كما كان عليه ..

افتكرت كمان ما قرأته كثيرا حول شعور ضحايا الاغتصاب بنوع من الذنب نتيجه للوم المجتمع لهم و رغم أنّى لم أكن أنا من تعرّض للتحرّش إلاّ إنّى أشعر بقدر من الذنب بالاضافه لشعور مزعج بالاشمئزاز !! يمكن لأنّى ماعملتش أى حاجه و إن كنت فعلا مش عارفه كان مفروض أعمل إيه أصلا لأنّه فى الأحوال اللىّ زى دى رد فعل المتحرّش و الناس اللىّ فى الشارع كمان غير مضمون ولا يمكن الارتكان عليه ..